Pedro: "O'z oldindingizga to'rtinchi o'rinni egallashni maqsad qilib qo'ysangiz, u holda ettinchi o'rinni egallaysiz"

Rimning "Roma" klubi yangi futbolchisi Pedro joriy mavsumda jamoasini sovrinlar sari etaklab borishga va'da berdi.

«Agar siz o'z oldingizga to'rtinchi o'rinni egallash vazifasini qo'ysangiz, u holda ettinchi o'rinni egallaysiz. Men doim g'alaba qozonishni xohlayman, hatto mashg'ulotlarda mag'lub bo'lsam ham g'azablanaman. O'ylaymanki, biz mavsumni uchinchi yoki to'rtinchi o'rinlarda yakunlaymiz hamda Kubok sohibiga aylanamiz. Garchi bizga oson bo'lmasligini bilsak-da, biz o'z kuchimizga ishonishimiz kerak. Men «Roma» futbolchilarini g'olibga aylantiraman.

Bizni chalg'ituvchi ovozlarga e'tibor bermasligimiz kerak. Biz imkon qadar kamroq xato qilib, yaxshi natijalarni qo'lga kiritish haqida o'ylashimiz kerak.

Joriy mavsumdagi maqsadimiz – ko'proq o'yinlarda g'alaba qozonish», — dedi Pedro.