Sulsher MYuning yagona transferi haqida: "Bitta bo'lsin, zo'r bo'lsin!"

"Manchester Yunayted" bosh murabbiyi Ole Gunnar Sulsher nima uchun yarim himoyachi Donni van de Bek jamoaning yozgi transferlar oynasidagi yagona transferi bo'lganligi haqida gapirdi.

«Siz Donniga biroz hurmatsizlik qilyapsiz, chunki u bizning jamoamizni kuchaytiradigan eng yaxshi o'yinchi. Klublarga nima qilishlariga ruxsat berish kerak. Biz raqobatbardosh jamoaga aylanish uchun astoydil ishlayapmiz", — dedi Sulsher.

Ma'lumot uchun, van de Bek "Ayaks"dan "Manchester Yunayted"ga o'tdi. Gollandiyalik futbolchi "Manchester Yunayted" tarkibidagi debyutini 19 sentyabr kuni APLning "Kristal Pelas"ga qarshi o'yinida (1:3) o'tkazdi va birinchi golni urdi.