Emeri: «Messi jahonning eng yaxshi futbolchisi bo'lib qolaveradi»

"Vilyarreal" bosh murabbiyi Unai Emeri "Barselona"ga qarshi bo'ladigan La liganing 3-tur bahsi oldidan o'z fikrini bildirib o'tdi. Shuningdek, mutaxassis "ko'k-anorranglilar" forvardi Lionel Messi haqida ham to'xtalib o'tdi.

"Messi va "Barsa"ning boshqa futbolchilari o'rtasidagi bog'liqlik hamda Leoning individual xislatlari ularga gol urishga yordam berishi mumkin. Bu Alba, Serxi Roberto yoki Grizmann bilan kombinatsiyalar bo'ladimi yoki to'g'ridan-to'g'ri zarbalar, farqi yo'q.

Messi shunday futbolchiki, u sizni muvozanatdan chiqarishga qodir. Bunday holat esa 90 daqiqa davom etadi. U jahonning eng yaxshi o'yinchisi edi va shunday bo'lib qoladi", — dedi Emeri "Marca" nashriga bergan intervyusida.

Eslatib o'tamiz, "Barselona" va "Vilyarreal" o'rtasidagi uchrashuv 27 sentyabr kuni bo'lib o'tadi.