Shveytsariya prokuraturasi PSJ prezidenti uchun ikki yillik qamoq jazosi so'ramoqda

Shveytsariya prokuraturasi PSJ prezidenti Nossir al-Helayfiy uchun 28 oylik qamoq jazosi so'ramoqda, deya xabar qilmoqda L’Equipe.

Al-Helayfiy bu ishda beIN Media televizion kompaniyasining rahbari sifatida javobgarlikka tortilmoqda. Prokuratura so'roviga ko'ra, qamoq jazosining ma'lum muddati shartli bo'ladi.

Qatarlik funktsioner FIFA sobiq bosh kotibi Jerom Valk bilan til biriktirganlikda ayblanmoqda. Valk uchun prokuratura 3 yillik qamoq jazosi so'ramoqda.

Avvalroq Nossir Jahon Chempionati translyatsiya huquqini sotishda korruptsiyaga yo'l qo'yganlikda ayblangan FIFA sobiq bosh kotibiga pora berganligi aytilgandi.

Manba: daryo.uz