UEFA mavsumning eng yaxshi murabbiyi sovriniga nomzod 3 nafar mutaxassisni ma'lum qildi
/ Kiritdi: BestMaster Ko'rilgan: 490
UEFA mavsumning eng yaxshi murabbiyi nominatsiyasiga nomzod 3 nafar mutaxassisning nomini ma'lum qildi. Ushbu sovrin Xans-Diter Flik («Bavariya»), Yurgen Klopp («Liverpul») va Yulian Nagelsman («RB Leyptsig)dan biriga nasib etadi.
E'tiborli tomoni, ularning barchasi germaniyalik mutaxassis hisoblanishadi. "PSJ" bilan Chempionlar ligasi finaliga etib kelgan yana bir nemis murabbiyi Tomas Tuxel esa sovrin uchun kurashda kuchli uchlikka kiritilmadi.
Flik «Bavariya» bilan "trebl"ga erishgan bo'lsa, Klopp 30 yillik tanaffusdan keyin «Liverpul»ni APL chempionligiga boshlab keldi. 33 yoshli Nagelsman esa «RB Leyptsig» boshqaruvidagi debyut mavsumda jamoasini EChL yarim final bosqichiga olib chiqdi.
G'olib nomi 1 oktyabr kuni o'tkaziladigan EChL guruh bosqichiga qur'a tashlash marosimida e'lon qilinadi.
Bosh sahifaga
262