Mirjalol Qosimov: «Bavariya» ham yosh jamoa emas, lekin 8:0 hisobida g'alaba qozonmoqda»

Superliga 16-turidan o'rin olgan "Bunyodkor" - AGMK (2:3) bahsidan so'ng olmaliqliklar ustozi Mirjalol Qosimov matbuot anjumanida ishtirok etdi.

- Bugungi o'yin ikki jamoa uchun muhim edi. Bu ikki jamoa o'rtasidagi bahslar doim qiziq kechgan. O'yinni yomon boshlamadik, ammo ikkinchi 25 daqiqalikda o'yin tizginini qo'ldan chiqardik va himoyaga o'tirib oldik. Natijada o'z darvozamizdan to'p olib chiqdik. Darvozabonning xatosi bizda ham, raqibda ham ko'zga tashlanib turgan edi. Ishonchli o'yin ko'rsatishmayotgan edi. Futbol shunisi bilan qiziq.  

Ikkinchi bo'limda xatodan unumli foydalandik. Raqib hujumga o'tgan paytda bir nechta qulay vaziyatga ega bo'ldik va yakunda Jasurning goli evaziga g'alaba qozondik. Maydon sifati biroz qiyinchilik tug'dirdi. G'alaba qozonganimizdan xursandmiz. Futbolchilarga minnatdorchilik bildiraman.

– Mavsum tugashiga oz qoldi. Keyingi mavsum uchun selektsiya ishlari boshlandimi?

Albatta, selektsiya ishlari bo'lyatpi, kuzatyapmiz. Bu faqatgina bizga bog'liq bo'lgan jihat emas. Yoshlarga ham imkon beramiz. Bugun ham Sardor Abdunabiev tarkibga jalb etildi. Yaxshi o'yinchilarni qaerdan olish kerak? Bu ham muammo. "Bavariya" ham yosh jamoa emas, lekin 8:0 hisobida g'alaba qozonmoqda. Lekin, klub tarixi, akademiyasi ham bor. 

– Shahzod Nurmatovni qaysi kretiyalar bo'yicha maydonga tushirasiz. U maydonda ko'p qiynaladi...

– Kimga oson? Xohlasang sen ham kel seni ham qo'yib ko'raman (kuladi). Zaxiradaan maydonga tushganlar menimcha yomon o'yin ko'rsatishmadi. Qo'l ostimdagi shogirdlarimdan foydalanishga harakat qilyapman