Bartomeu Suaresning «Atletiko»ga o'tishini to'xtatib qo'ydi

«Barselona» prezidenti Xosep Bartomeu hujumchi Luis Suaresning «Atletiko»ga transferini to'xtatib qo'ydi.

Bartomeu so'nggi pallada o'z fikrini o'zgartirib, urugvaylik futbolchi raqib jamoa safiga bepul qo'yib yuborish maqsadga muvofiq emas, deya hisobladi. Funktsioner madridliklar Suares uchun pul to'lashini istamoqda.

Dastlab «Barsa» futbolchini erkin agent sifatida qo'yib yuborib, shartnomani bekor qilish uchun esa Suaresga kompensatsiya to'lashi kutilgan edi.

Hozirda Luisning "Atletiko"ga o'tishi barbod bo'lish arafasida turibdi. Ushbu transfer amalga oshmasa, Suares yana bir yil "Barsa"da qoladi. Bunday holatda "ko'k-anorranglilar" Memfis Depayni xarid qilishmaydi.