Italiyalik futbol hakami va uning qaylig'i o'z uyida pichoqlab ketildi

Italiyalik futbol hakami Daniele de Santis va uning qaylig'i Lechchedagi uyida o'lik holda topildi. Bu haqda La Repubblica xabar bermoqda.

Xabarga ko'ra, 33 yoshli hakam va uning 30 yoshli sevgilisining jasadi 21 sentyabr, dushanba kuni kechqurun topilgan.

Qo'shnilarning aniqlik kiritishicha, qotillikdan avvalroq de Santisning uyida janjal bo'lgan va jinoyatchi juftlikni pichoqlagan. Shuningdek, ular qo'lida pichoq bilan qochib ketayotgan erkakni ko'rganini qo'shimcha qilgan.

De Santis V va S Seriyalardagi faoliyati (Italiyaning ikkinchi va uchinchi divizionlari) bilan yaxshi tanilgan bo'lib, u erda jami 130 dan ortiq uchrashuvlarni boshqargan.

Ma'lumot uchun, V Seriyaning yangi mavsumiga 25 sentyabr, juma kuni start beriladi.