Angliya Premer Ligasida tarixiy rekord o'rnatildi

Angliya Premer Ligasining 2-tur uchrashuvlari ortda qoldi.

APLning mazkur turidagi 10 ta o'yinda jami 44 ta gol urildi. Bu Angliyada 20 ta klub ishtirok etayotgan davr uchun rekord natija hisoblanadi.

Bundan avvalgi rekord 2010/11 yilgi mavsumning 24-turida qayd etilgandi. To'qqiz yil avval bir tur davomida 43 ta gol urilgan.

Qayd etish joiz, 2-turdagi o'nta o'yinning hammasida gol urildi. Uchta bahsda ettitadan to'p kiritilgan: «Everton» — «Vest Hem» (5:2), «Lids» — «Fulhem» (4:3) va «Sauthempton» — «Tottenhem» (2:5). Eng kam gol «Aston Villa» — «Sheffild Yunayted» bahsida (1:0) qayd etilgan.