Manba: Neymar «PSJ» — «Marsel» o'yini paytida yaponiyalik futbolchini haqorat qilgan

«PSJ» hujumchisi Neymar mojaro bilan yakunlangan «Marsel»ga qarshi o'yinda raqib futbolchisiga nisbatan irqchilik qilgan.

"Daily Mail" nashri "Cadena COPE" radiostantsiyasiga asoslanib xabar tarqatishicha, braziliyalik futbolchi raqibning yaponiyalik himoyachisi Xiroki Sakaini «xitoylik ahlat» deb atagan. Manbaga ko'ra, bu bo'yicha «Marsel»da dalil mavjud. Bu voqea o'yin o'rtalarida yuz bergan.

Ma'lumot o'rnida. 13 sentyabr kuni bo'lib o'tgan o'yinning so'nggi daqiqalarida Neymar «Marsel» himoyachisi Gonsales boshining orqa tomonidan urgani uchun qizil kartochka olgan edi. «PSJ» hujumchisi maydonni tark etar ekan, raqib futbolchisi o'zini haqorat qilganini aytdi.

Mutaxassisning ta'kidlashicha, Gonsales Neymarga nisbatan "mono" iborasini ishlatgan. Ispan tilidan tarjima qilinganda bu so'z maymun ma'nosini bildiradi.