Xayrulla Hamidovdan anons: Bo'rilar ovda

Ko'pgina mutaxassislarning nazdida bu yil g'olib bo'lishga da'vogar – "Man Siti". Lekin Pep shogirdlari yangi mavsumni og'ir jamoaga qarshi bahs bilan boshlashmoqda. “Vulxerxempton” o'tgan mavsum ikki marta dog'da qoldirgan “shaharliklar”ni, umumiy – olti o'yinning bittasidagina mag'lubiyatga uchrashgan, shu ham barvaqt olingan qizil kartochkaning hisobiga. Nunu Eshpiritu yigitlari chindan ham “Manchester Siti” kushandasiga aylanib bo'lishgan.

Xo'sh, yangi mavsumda ham ulardan shunday ishni kutishimiz mumkinmi? Nega kutmas ekanmiz, “bo'rilar” birinchi turni zo'r boshlab olishdi – chaqilmas “Sheffild” uyidan g'alaba, bu galgisi qadrdon “Molinyu stedium”dagi o'yin.

Buning ustiga Gvardiola ixtiyorida ko'p o'yinchilar yo'q. Agueroning yo'qligiga o'rganib bo'ldik, Lyaport endi-endi qaytdi mashg'ulotga, Gyundoganda sal avval koronavirus aniqlandi – karantinga ketdi.

Mana shuncha muammolari bilan manchesterliklar saf tortishadi. Ammo biz bilamizki, Pep o'yinga kutilmagan nedir ulashadi. Shu “nedir”ni kuzatish uchun 00:15dan boshlanadigan uchrashuvga siz azizlarni taklif etamiz. Birgalikda tomosha qilamiz.