Joze Mourino: «Beyl jarohatidan qachon sog'ayishini bilmayman»

«Tottenxem» bosh murabbiyi Joze Mourino jamoa safiga yaqinda qo'shilgan Garet Beyl qachon maydonga tushishi mumkinligi haqida o'z fikrini bildirib o'tdi.

«Garet jarohatidan qachon sog'ayishini bilmayman. Men bilgan yagona narsa shuki, undagi motivatsiya yuqori. U o'zining jonajon klubiga qaytganidan xursand. O'yinchilarda bunday motivatsiya borligida tiklanish jarayoni ancha qisqarishi, formaga kirib olish uchun esa kamroq vaqt talab etilishi mumkin.

O'z navbatida biz ham Garetni jamoada ko'rishdan xursandmiz va u jahonning eng yaxshi futbolchisi saviyasiga chiqishiga yordam berishga harakat qilamiz», – dedi Mourino.

Manba: sports.ru