Bonuchchi: "Pirlo kelgach jamoaning o'yini o'zgardi"

Turinning «Yuventus» klubi futbolchisi Leonardo Bonuchchi jamoaga Andrea Pirlo kelgach, o'yin Mauritsio Sarrinikidan ancha farq qilganini aytib o'tdi.

«Andrea Pirlo jamoaga kelgach, yangi g'oyalarni singdira boshladi. Unda juda katta ishtiyoq bor. U to'p bilan va to'psiz qanday harakat qilish kerakligini uqtirmoqda.

Garchi, oradan kam vaqt o'tgan bo'lsada, Sarrining qo'l ostidagi "Yuventus" bilan hozir ko'rsatayotgan o'yinimizning katta farqi bor.

Hozir bir ko'rsatayotgan o'yin qaysidir ma'noda Allegrining o'yiniga o'xshashib ketadi, lekin baribir farq bor. Pirlo har bir futbolchi javobgarlikni o'z zimmasini olishini xohlaydi, shuning uchun futbolchilar maydon bo'ylab bir joyga to'planib olishmayapti», — dedi Bonuchchi.