Sharhlovchilikka qiziquvchi yosh futbol muxlislari uchun tanlov

"Futbol do'stlik uchun" loyihasi sharhlovchilikka qiziquvchi yoshlarni o'zlarini haqiqiy futbol sharhlovchisi sifatida sinab ko'rishga taklif etadi.

15 sentyabrdan 15 oktyabrgacha yosh jurnalistlar uchun xalqaro musobaqa tashkil etiladi. Ishtirokchilar 9 yoshdan 14 yoshgacha bo'lishi talab etiladi.

Yosh sharhlovchilar ijtimoiy tarmoqlar orqali bellashadilar va ularni dunyodagi eng yaxshi yosh sharhlovchi unvonini qo'lga kiritgan Yazn Taxa baholaydi.

Tanlovda ishtirok etish istagida bo'lganlar 1 daqiqalik futbol sharhini ingliz tilida olib borishlari va uni montaj qilmagan holda #F4FCommentator heshtegi bilan ijtimoiy tarmoqqa joylashlari zarur.

Ushbu musobaqa 2ta bosqichda bo'lib o'tadi. Dastlab 15 sentyabrdan 15 oktyabrgacha har bir davlatdan eng yaxshi sharhlovchilar aniqlanadi.

Ikkinchi bosqich 15 oktyabrdan 9 noyabrgacha bo'lib o'tadi va unda eng yaxshi sharhlovchi ovozga qo'yiladi.

Ushbu turnir g'oliblari maxsus esdalik sovg'alar bilan taqdirlanadi.