Egor Krimets: "Biz keyingi bosqichga chiqish uchun bor kuchimizni ishga solamiz"

"Shabab Al Ahli" bilan uchrashuvdan avval matbuot anjumanida "Paxtakor" jamoa sardori Egor Krimets ishtirok etdi.

- Ertaga qiyin va qiziqarli uchrashuv bo'ladi deb o'ylayman. Biz Chempionlar Ligasida aynan shunday darajadagi o'yinlarda maydonga tushish uchun ham shu erdamiz. O'zbekiston va BAAning etakchi klublari o'rtasida to'qnashuv bo'ladi. Biz keyingi bosqichga chiqish uchun bor kuchimizni ishga solamiz. Ertaga buni uddalash imkoniyati bor.

"Shabab Al Ahli" bilan birinchi o'yinda havo futbolga mos bo'lmaganda, albatta. Lekin biz uchun ham maydonning sifatli bo'lishi juda muhim. Biz ko'p to'p uzatishlar bilan, chiroyli va hujumkor futbol o'ynay olamiz. Chiroyli gollar urishga qodirmiz.

Raqib uzun paslar bilan tez hujumlarga o'tishini bilamiz. Bizda ertangi o'yinga reja bor, ammo uni sizga ayta olmayman. "Shabab Al Ahli"ning bir necha o'yinlarini o'rgandik. Ertaga maydonda barchasini ko'rasiz degan umiddaman.