Alkantara "Liverpul" futbolchisi sifatida ilk marta intervyu berdi

Ispaniyalik yarim himoyachisi Tyago Alkantara Angliyaning «Liverpul» klubi futbolchisi sifatida dastlabki intervyusini berdi.

«Ajoyib his-tuyg'ular va hissiyotlar. Juda baxtiyorman. Ushbu vaziyatni juda uzoq kutdim.

Bundan ham yuqori marralarni zabt etishni xohlayman. Menga yangi chaqiruv kerak edi. Men «Bavariya» tarkibida barcha sovrinni yutdim, lekin ushbu sovrinlar bilan to'xtab qolmoqchi emasman. Endi men «Liverpul» bilan sovrinlarni qo'lga kiritishni xohlayman.

O'ylaymanki, bu klub men uchun mos tushadi. Tezroq moslashib olishim kerak. Jamoaga himoya va hujumda yordam beraman, shuningdek, ruhan dalda bo'la olaman», - dedi ispaniyalik futbol klub matbuot xizmatiga.