Ronaldu muxlislarni Madeyra oroli uchun ovoz berishga chaqirdi

«Yuventus» hujumchisi Krishtianu Ronaldu Evropaning 2020 yildagi eng yaxshi oroli tanlovida Madeyra uchun ovoz berishga chaqirdi.

«Xavfsiz, ajoyib, aql bovar qilmas va maftunkor Madeyra men uchun eng yaxshi orol hisoblanadi. Madeyraga ovoz bering. Men o'z ovozimni berdim, siz-chi? Keling, ushbu sovrinni mening jonajon orolimga olib kelamiz!», — deya yozdi portugaliyalik futbolchi tvitter orqali.

Ma'lumot o'rnida. Ronaldu 1985 yilning 5 fevral kuni Madeyra orolidagi Funshal shahrida tug'ilgan. Futbolchi 1997 yilda Lissabonga ko'chib o'tib, keyinchalik «Sporting» safida o'ynay boshlagan.