Odil Ahmedov: «O'runovning «Spartak» safidagi debyut golidan xursandman»

O'zbekiston terma jamoasi yarim himoyachisi Odil Ahmedov hamyurtimiz Oston O'runovning «Spartak» safidagi ilk goliga o'z munosabatini bildirib o'tdi. Eslatib o'tamiz, 19 yoshli futbolchi «Rodina»ga qarshi bo'lib o'tgan Rossiya kubogi doirasidagi uchrashuvda (5:1) o'z hisobiga chiroyli gol yozdi.

«O'runovning «Spartak» safidagi debyut golidan juda xursandman. Gol chiroyli chiqdi. Ushbu gol unga ishonch bag'ishlaydi. Shunday ruhda davom etish kerak. Men unga omad va muvaffaqiyatlar tilayman», — dedi Ahmedov Sport24 muxbiri bilan suhbatda.