"Milan"ning transfer bozoridagi maqsadi aniq bo'ldi

Italiyaning «Milan» klubi transfer oynasi yopilguniga qadar yana ikki nafar futbolchi bilan shartnoma imzolamoqchi.

Italiya matbuotining yozishiga qaraganda, «rossonerlar» o'z tarkibini «Fiorentina» himoyachisi Nikola Milenkovich va hujumchisi Federiko Kezalar bilan kuchaytirib olish niyatida.

Qayd etilishicha, «Milan» ushbu transferlarni amalga oshirish uchun 80 million evro sarf qilishga tayyor. Ushbu mablag'ning 20 millioni Milenkovichga va qolgan 60 millioni Kezaga sarf qilinishi kutilmoqda.