"PSJ"ning asosiy himoyachisi jiddiy jarohat oldi

Frantsiyaning "PSJ" klubi bosh murabbiyi Tomas Tuxel jamoa himoyachisi Xuan Bernatning jarohati haqida fikr bildirdi.

Futbolchi «Mets» (1:0) klubiga qarshi o'yinni oxirigacha o'ynay olmadi va tibbiy xodimlar yordamida maydonni tark etdi.

«Bernatdan xavotirdaman. Barcha narsa uning tizzasidan olgan jarohat jiddiy ekanligini ko'rsatmoqda», - dedi Tuxel.

Bernatning jarohati haqida aniq ma'lumot u tibbiy ko'rikdan o'tganidan so'ng paydo bo'ladi.