Agent: Beyl «Tottenxem»ga o'tishni istamoqda

«Real» hujumchisi Garet Beylning agenti Jonatan Barnett bayonot berib, futbolchi «Tottenxem»ga o'tishni istayotganini ma'lum qildi.

«Garet hamon «Tottenxem»ni yaxshi ko'radi. Biz muzokaralar olib boryapmiz. U «Tottenxem»ga o'tishni istaydi», – dedi Barnett.

Beylga, shuningdek, «Manchester Yunayted» ham da'vogarlik qilmoqda.

Avvalroq Garet boshqa jamoaga o'tsa, «Real» futbolchi maoshining yarmini to'lashga tayyor ekani haqida xabar tarqatilgan edi. Uelslik o'yinchining haftalik maoshi 600 ming funtga teng.

Beyl 2007-2013 yillarda «Tottenxem» sharafini himoya qilgan.

Manba: sports.ru