Duranglar "qiroli" yana mag'lubiyatga uchradi yohud "Andijon"ning "g'alabasiz seriyasi" 15 taga etdi

Coca Cola Superliga. 15-tur
"Andijon" – "Nasaf" - 0:1 (0:1)
15 sentyabr 2020 yil. Andijon. "Sog'lom Avlod" stadioni. 16:30

Hakamlar: Akobirxo'ja Shukurullaev, Alisher Usmonov, Sanjar Shoyaxmetov.

Nazoratchi: Igor Nexochin

Komissar: Zohir Akramxonov

Gol: Bobir Abdixoliqov 25, - 0:1.

"Andijon": Eldor Adhamov, Azamat Isroilov, Farhod Mirahmatov, Xushnudbek Avilov, Farhodbek Bekmurodov, Abdullo Olimov, Usmonali Ismonaliev, Timur Usmonov (Jamshid Homidov, 51), Muhammad Yuldashev (Qahramon Baxodirov, 71), Doniyor Abdumannopov, Nodir Mavlonov (Baxtiyor Qosimov, 66).

"Nasaf": Abduvohid Ne'matov, Husniddin Aliqulov, Dilshod Saitov (Jo'rabek Mannonov, 80), Bobir Abdixoliqov (Javohir Esonqulov, 80), Sharof Muhitdinov, Faysal Traore (Oybek Bozorov, 60), Islom Kenjaboev (G'olib G'aybullaev, 65), Akmal Mozgovoy (Dilshod Rahmatullaev, 60), Sherzod Nasrullaev, Marko Stanoevich, Umar Eshmurodov.

Ogohlantirishlar: Qahramon Bahodirov 79, Marko Stanoevich 90+4.

Superliganing 15-tur doirasidagi qiziqarli uchrashuvlarlar biri Andijon shahridagi "Sog'lom Avlod" stadionida bo'lib o'tdi. Chempionat boshlanganidan beri uchinchi marta bosh murabbiyni almashtirgan va 15 turdan beri g'alaba nima ekanligini bilmay kelayotgan "Andijon" o'z maydonida o'tgan turda o'z maydonida Navoiyning "Qizilqum" jamoasi darvozasiga javobsiz to'rtta gol urgan Ro'ziqul Berdiev boshchiligidagi "Nasaf" jamoasini qabul qildi.

Stadionda yoritgichlar borasida muammo yuzaga kelgani uchun uchrashuv soat 16:30da boshlandi.

Uchrashuv u darajada shiddatli o'tdi deb aytib bo'lmaydi. Tarkib borasida muammoga duch kelgan Baxtiyor Hamidullaev bor "masalliqdan" "taom" tayyorlashgan majbur bo'lgan bo'lsa, Ro'ziqul Berdiev tarkib borasida aytirli muammoga duch kelmadi.

Uchrashuvning 25-daqiqasida maydonning chap tarafidan Sherzod Nasrullaev to'pni "Andijon" jamoasi jarima maydonchasiga uzatib berdi. "Andijon" himoyachisi Ismoanli Usmonaliev to'pni qaytarishda qo'pol xatolikka yo'q qo'ydi va uni Bobur Abduholiqov ko'kragi bilan osonlik bilan to'xtatib, xotirjamlik bilan maydon egalari darvozasiga yo'llab, hisobni ochdi - 0:1.

Mana shu kiritilgan gol uchrashuv oxirigacha saqlab qoldi.