«Meni bo'g'ishga harakat qilishdi». Mahrezning singillariga hujum uyushtirildi
/ Kiritdi: BestMaster Ko'rilgan: 352
«Manchester Siti» yarim himoyachisi Riyod Mahrezning ikki singlisi — Dunyo va Inesga ularga tegishli go'zallik salonida hujum uyushtirilgan.
"The Sun" tarqatgan xabarga ko'ra, voqea Parijda ro'y bergan. Salonga tashrif buyurgan mijozlardan biri xizmat uchun haq to'lashdan bor tortishi natijasida mojaro yuzaga kelgan. Shundan so'ng salonga 3ta mashinada 12 nafar kishi etib kelib, Mahrezning singillari va boshqa xodimlariga hujum uyushtirishgan. Oqibatda ular tan jarohatlari olishgan.
«Biz jarohat oldik va ruhiy iztirobga tushdik. Nima uchun bunday hodisa ro'y berganini bilmaymiz. Balki, biz Riyodning singlisi bo'lganimiz usundir? Ular baqir-chaqir qilishdi, haqoratlashdi, buyumlarni uloqtirishdi va shafqatsizlarcha harakat qilishdi. Ulardan biri meni bo'g'ishga harakat qildi, boshqasi esa singlimni tepdi», — dedi Dunyo.
Mahrezning o'zi esa voqea joyiga etib kela olmadi. Chunki, u bir hafta ilgari koronavirusga chalingan edi. Hozirda u karantin muddatini o'tamoqda.
Bosh sahifaga
795