"Manchester Yunayted" qachon APL chempioni bo'ladi? Qachonki...

"Manchester Yunayted"ning sobiq futbolchisi Gari Nevill "mankunianliklar"ning yana Angliya Premer-ligasida g'olib chiqish imkoniyatlari haqida o'z fikrlari bilan o'rtoqlashdi. So'nggi bor klub 2012/13 yilgi mavsumda chempionlikni nishonlagan edi.

"Manchester Yunayted" Premer-ligada yana g'alaba qozonadi. Men bundan juda xursand bo'laman. Kutish qancha ko'p bo'lsa, g'alaba zavqi ham shuncha yuqori bo'ladi.

Menimcha, Klopp va Gvardiola "Liverpul" va "Manchester Siti"ni tark etgandagina "Yunayted" yana chempion bo'ladi. Umid qilamanki, bu bir necha yil ichida sodir bo'ladi", — deya Nevillning so'zlarini keltiradi Mirror.