«PSJ» - «Marsel» o'yini so'ngida mojaro yuzaga keldi (video)

Frantsiya chempionatining 3-turidan o'rin olgan «PSJ» va «Marsel» jamoalari o'rtasidagi uchrashuvning so'ngida janjal-to'polon yuzaga keldi.

Darvozabon to'pni o'yinga kiritib bergach, maydon markazida to'p uchun kurashda mehmonlar futbolchisi parijliklar a'zosiga nisbatan qo'pollik ishlatdi. Natijada futbolchilar o'rtasida mojaro yuzaga keldi.

Hakam esa dastlab har ikki jamoaning ikki nafardan futbolchisini maydondan chetlatdi. U videotakrorni tomosha qilgach, Neymarga ham qizil kartochka ko'rsatdi. Buning uchun braziliyalik futbolchi hakamni "olqishlab" qo'ydi.

Eslatib o'tamiz, mazkur o'yinda "Marsel" 1:0 hisobida g'alaba qozondi. "PSJ" esa ketma-ket ikkinchi uchrashuvda mag'lubiyatga uchradi.