Vardi: "Har hafta penalti ustida ishlayman"

Angliyaning "Lester" klubi hujumchisi Jeymi Vardi "Vest Bromvich" (3:0) ustidan qo'lga kiritilgan g'alaba haqidagi fikrlari bilan o'rtoqlashdi.

"Bu biz uchun juda muhim, ayniqcha o'tgan yilgi chempionatni qanday yakunlaganimizni hisobga olsak. Hammani narsani o'zgartirish uchun bizda kam vaqt bor edi. Shuning uchun, bugungi g'alabadan qoniqdik. Men har hafta penalti ustida ishlayman. Shu sababli, uni qanday qilib amalga oshirishni bilgandim. Timoti Kastan ajoyib o'ynadi. O'z golini haqli ravishda kiritdi", - Vardining so'zlaridan iqtibos keltirmoqda Sky Sports.