«Chelsi» o'z futbolchisini ijaraga berib yubormoqchi

Londonning «Chelsi» klubi Kallum Xadson-Odoini ijaraga berishni rejalashtirmoqda, deya xabar tarqatmoqda Goal portali.

Yangi futbolchilar bilan shartnoma imzolanganidan keyin, Odoini asosiy tarkibga kirishi dargumon bo'lib turibdi. Shu sababli, «ko'klar» 19 yoshli angliyalik futbolchini o'yin amaliyotisiz qolmasligini uchun ijaraga berishni rejalashtirmoqda.

Xadson-Odoi «Chelsi» tarbiyalanuvchisi sanaladi. O'tgan mavsumda u "Chelsi" tarkibida 35 ta uchrshuvdan maydonga tushib, 4 ta gol urdi va 7 ta golga assistentlik qildi. Uning londonliklar bilan tuzgan shartnomasi 2024 yilgacha amal qiladi.