Andrey Shipilov: «Bugungi g'alabamizni klubimizning marhum prezidentiga bag'ishlaymiz»
/ Kiritdi: BestMaster Ko'rilgan: 274
"Metallurg" – AGMK (1:0) uchrashuvidan keyingi matbuot anjumaning ikkinchi qismida mezbonlar bosh murabbiyi Andrey Shipilov o'z fikrlari bilan o'rtoqlashdi.
— Bugun Toshkent viloyati derbisining mana shunday qiziqarli, to'qnashuvlarga boy bo'lishini kutgandik. Har ikki jamoa murosasiz, qiziqarli o'yin ko'rsatdi.
AGMK chempionat etakchilaridan biri va haqli ravishda yuqori pog'onalarda bormoqda. Biz o'z imkoniyatlarimizdan birini golga aylantira oldik. AGMKda ham etarlicha vaziyatlar bo'ldi. Biroq bugun omad biz tomonda bo'ldi.
Bugungi g'alabamizni yaqinda vafot etgan klubimiz prezidentining yorqin xotirasiga bag'ishlaymiz.
Ayni paytda shifoxonada davolanayotgan jamoamiz ma'muri Ravshan Begmatovga sog'liq tilaymiz va tezroq safga qaytishini kutib qolamiz.Fursatdan foydalanib, klubimizning fidoyi shifokoriga va uning jamoasiga ham minnatdorchilik bildiramiz.
— Shahzod Ubaydullaev va Doniyor Narzullaev nega birinchi bo'limda maydonga tushmadi va zaxirada qoldirildi?
— Shahzod va Doniyor butun mavsum davomida tanaffussiz o'ynab kelishdi. Doniyor faqat Olmaliqda o'ynamagandi, Shahzod esa deyarli hamma tur o'yinlarida to'liq qatnashdi. Ularni avaylashimiz kerak. Bundan tashqari Shahzodda kichik jarohati bor edi.
— "Metallurg"ning ko'rsatayotgan o'yinlaridan kelib chiqib aytsak, jamoa kuchli uchlikka kira oladimi?
— Hali oldinda 9-10 tur bor. Keling, mavsum yakuniga, dekabr oyigacha etib boraylik. Biz qo'limizdan kelganicha harakat qilayapmiz. Bu yo'lda astoydil mehnatdan to'xtamaymiz, ”, - deydi Andrey Shipilov.