Yangi mavsumda «MYu»ning sardorlik bog'ichini kim taqishi aniq bo'ldi

«Manchester Yunayted» bosh murabbiyi Ule Gunnar Sulsher yangi mavsumda sardorlik qaysi futbolchiga berilishini aytib o'tdi.

«Albatta, Xarri Maguayr uchun yozgi vaqt og'ir o'tdi. Unda ta'til uchun ko'p vaqt bo'lmadi. Shuning uchun qo'shimcha bir necha kun dam olish imkoniyatini berdik. Qaytganidan keyin u normal holatda ko'rinmoqda.

Men uni qo'llab-quvvatlayman. U bizning sardor bo'ladi. Men uchun Maguayr — top-o'yinchi, ajoyib inson. U hayotiy qadriyatlarga ega bo'lgan pozitiv yigit. Shuning uchun tez kunlarda uning ijrosida eng yaxshi o'yinni tomosha qilsak kerak», — dedi norvegiyalik mutaxassis.