APL. «Arsenal» 2020/21 yilgi mavsumni ochib bergan London derbisida yirik hisobda g'alaba qozondi

Futbol bo'yicha Angliya Premer Ligasining 1-turida «Arsenal» 12 sentyabr, shanba kuni «Fulhem» maydonida mehmon bo'ldi.

Uchrashuvning 9-daqiqasida Aleksandr Lyakazett mehmonlarni oldinga olib chiqdi. Ikkinchi bo'lim debyutida Gabriel «to'pchilar»ning ikkinchi golini urgan bo'lsa, 57-daqiqada Per-Emerik Obameyang hisobni yirik ko'rinishga olib keldi.

Shu tariqa Angliya Kubogi va Superkubogining amaldagi sohibi mavsumni yirik hisobdagi g'alaba bilan boshladi.

«Arsenal» keyingi turni 19 sentyabr kuni «Vest Hem»ga qarshi o'tkazsa, «Fulhem» «Lids» mehmoni bo'ladi.

APL

1-tur bahsi

12 sentyabr, shanba
«Fulhem» — «Arsenal» 0:3

Gollar: 0:1 – 8 Lyakazett, 0:2 – 49 Gabriel, 0:3 – 57 Obameyang.

«Fulhem»: Rodak, Braen, Odoi, Xektor, Rim, Onoma (Dekordova-Rid, 75), Kebano (Zambo-Angissa, 63), Kerni, Rid, Kavaleyru, Kamara (Mitrovich, 63).

«Arsenal»: Leno, Belerin, Gabriel, Xolding, Meytlend-Naylz, an-Nenni, Djaka (Sebalos, 79), Villian (Pepe, 76), Tirni, Obameyang, Lyakazett (Nketia, 87).

Ogohlantirishlar: Xektor (26), Obameyang (39), Belerin (55), Kerni (61).

Manba: daryo.uz