Superliga. «Mash'al» safardagi super gol evaziga «So'g'diyona»ni taslim etdi

O'zbekiston Coca-Cola Superliganing 14-turida «So'g'diyona» 11 sentyabr, juma kuni «Mash'al»ni qabul qildi.

Uchrashuvda teng kurash kechdi. 75-daqiqada muborakliklar yarim himoyachisi Sirojiddin Qo'ziev uzoq masofadan aniq zarba yo'llab, chiroyli gol muallifiga aylandi.

Qolgan vaqtda hisob o'zgarmadi va «Mash'al» navbatdagi g'alabasini qo'lga kiritdi.

Ushbu g'alabadan keyin Dilyaver Vaniev shogirdlarining ochkolari 19 taga etdi va jamoa musobaqa jadvalida 8-o'rinda bormoqda. «So'g'diyona» (16) esa 9-pog'onada qoldi.

Coca-Cola Superliga, 14-tur bahsi
«So'g'diyona» — «Mash'al» 0:1
Gol: 0:1 – 75 Qo'ziev.
«So'g'diyona»: Milan Mitrovich, Sardor Qulmatov, Iskandar Shoyqulov (Bahodir Nasimov, 79), Sanjar Rashidov (Sahob Rashidov, 66), Shohruz Norxonov, Jasur Hasanov, San'at Shixov (Shahboz Jo'rabekov, 66), Daniel Nasriddinov (Jamshid Boltaboev, 46), Shavkat Mullajonov, Javohir Qahramonov, Marko Kolakovich.
«Mash'al»: Rahimjon Davronov, Najmiddin Normurodov, Ifeani Ifeani, Nikita Pavlenko (Mo'minjon Meliev, 76), Sherzod Temirov, Jamoliddin Ubaydulloev, Abbos Shodmonov, Sardor Abduraimov (Ibe Mishel Okoro, 68), Sirojiddin Qo'ziev, Samandar Shukurullaev, Humoyun Murtozaev (Sardorbek Eminov, 76).
Ogohlantirishlar: Nasriddinov (22), Ifeani (40).