Giggz: «Ronaldu 40 yoshgacha o'ynaydi va jahon rekordini yangilaydi»

Uels terma jamoasi bosh murabbiyi Rayan Giggz portugaliyalik hujumchi Krishtianu Ronaldu terma jamoadagi gollari soni bo'yicha jahon rekordni yangilashi mumkinligini aytib o'tdi.

«O'ylashimcha, Krishtianu rekordni yangilaydi. Men jahonning eng yaxshi klubida 40 yoshimgacha o'ynaganman. Ronaldu ham 40 yoshgacha o'ynaydi. Buning uchun esa shunga mos jamoada bo'lishi kerak. U o'ziga yaxshi qaraydi, to'g'ri ovqatlanadi va futbol uchun yashaydi. U men ko'rgan eng yaxshi professional.

Ronalduning 700ta goi? Men uni faoliyatining boshlanish paytida ko'rganman. O'shanda uning buncha gol urishini taxmin qilish qiyin edi. U iqtidorli va ajoyib o'yinchi edi. U hamisha sportzalda ishlardi va ajoyib futbolchi bo'lishi mumkin, deb o'ylardim. U «Manchester Yunayted» safida bir mavsumda 40ta gol urdi. Shu paytgacha amalga oshirib kelayotgani ishlariga esa aqlbovar qilmaydi», — dedi Giggz.