Odil Ahmedov «Shanxay SIPG»dan ketdi

Xitoyning «Shanxay SIPG» klubi yarimhimoyachisi Odil Ahmedov uch yillik faoliyatidan keyin klubi bilan xayrlashgan. Bu haqda Tribuna.uz sayti yozmoqda. 

Manbaning xabariga ko'ra, O'zbekiston milliy jamoasi sardori Shanxay klubini tark etish sabablarini hozircha ma'lum qilmadi. Odil Ahmedov Xitoy Superligasining boshqa bir klubi - «Tyantszin Teda» jamoasi safiga o'tishi kutilmoqda. 

32 yoshli yarimhimoyachimiz «Shanxay SIPG» klubi safidagi so'nggi tur o'yinida maydonga tushmagan va natijada klubi mavsumdagi ilk mag'lubiyatni qarshi olgandi. «Shanxay SIPG» klubi Xitoy Superligasi 9-turidan keyin 8 jamoa joy olgan «V» guruhida 20 ochko bilan peshqadamlik qilmoqda.

Ma'lumot uchun, Odil Ahmedov joriy mavsumda klubi safida 8 o'yinda maydonga tushib, bitta gol va bitta golli uzatmaga mualliflik qilgandi.