Ronaldu: «Rekordlar? Men ularga mukkasidan ketmaganman»

Portugaliya terma jamoasi hujumchisi Krishtianu Ronaldu Millatlar ligasi doirasida Shvetsiyaga qarshi bo'lib o'tgan o'yin (2:0) borasida o'z fikrini bildirib o'tdi. Eslatib o'tamiz, "Yuventus" forvardi kechagi uchrashuvda 2ta gol muallifiga aylanib, terma jamoadagi gollari sonini 101taga etkazib oldi.

«Bu g'alabadan juda xursandman. Shuningdek, terma jamoa safidagi 100 va 101-gollar meni albatta quvontiradi. Kelajakni faqat Xudo biladi. Yosh futbolchilar bilan birga o'ynashdan mamnunman. Bunday lahzalardan ham individual, ham jamoaviy jihatdan zavqlanyapman.

Oyoq barmog'imda muammo paydo bo'lganida, keyingi o'yingacha sog'ayishimga ishonardim. Ushbu o'yinchilar, murabbiylar va xodimlar bilan bir jamoada ekanimdan xursandman. Bizda yaxshi jamoa yig'ilgan, ammo almashtirib bo'lmas futbolchi bo'lmaydi.

"Yuzlik marra"ni zabt etganimdan xursandman. Endi oldinda jahon rekordi (109 gol) kutib turibdi. Bosqichma-bosqich oldinga intilamiz. Men rekordlar uchun mukkasidan ketmaganman, ular tabiiy yo'l bilan keladi», — dedi Ronaldu.

Manba: sport24.ru