Giggz: «Hech qachon penaltini Pogba, Azar va Fernandeshlar kabi amalga oshirmagan bo'lardim»

Angliyaning «Manchester Yunayted» klubi sobiq futbolchisi, ayni paytda Uels terma jamoasi bosh murabbiyi bo'lib ishlayotgan Rayan Giggz penalti tepish texnikasi haqidagi xotiralari bilan o'rtoqlashdi.

«Shunday futbolchilar borki, zarbadan oldin darvozabonning ko'ziga qarashadi. Eden Azar ajoyib texnikaga ega, lekin zarbadan oldin juda sekin harakat qiladi. Hatto, Brunu Fernandesh penaltini kichik sakrash bilan amalga oshirmoqda.

Men hech qachon bunday qilmagan bo'lardim. Mening falsafam fuyidagicha edi: to'pni asosan burchakka yo'naltirardim. Hatto darvozabon to'pni yo'nalishini to'g'ri topgan taqdirda ham, gol bo'lishi aniq edi. Shu sababli, darvozabonning qaysi tarafga yo'nalishi men uchun muhim emasdi. Agar men pastki burchakka zarba berganimda, darvozabon bu to'pni qaytara olmasdi.

Shu sababli, men darvozabonning ko'ziga qaramaganman va ko'ngilochar o'yinlarni o'ynashga harakat qilmaganman. Penaltini ko'ngilocharlik bilan amalga oshirish uchun Azar va Brunudek ishonch bo'lish kerak. Pogba ham qachonlardir sekin yugurib to'pga zarba paytlari bo'lgan. Men hech qachon bunday qilmagan bo'lardim», – dedi Gigg Goal portali bilan intervyuda.