Millatlar Ligasi. Ispaniya yirik hisobda g'alaba qozondi, Germaniya yana durang o'ynadi

UEFA Millatlar Ligasining 2-turidan o'rin olgan 6 sentyabr, yakshanba kungi o'yinlar o'z yakuniga etdi.

Ispaniya terma jamoasi o'z uyida Ukrainani qabul qildi va yirik 4:0 hisobdagi g'alabani qo'lga kiritdi.

Parallel kechgan uchrashuvda Germaniya terma jamoasi Shveytsariyaga qarshi bahs yuritdi. 14-daqiqada Ilkay Gundo'g'an jarima maydoni tashqarisidan darvozani ishg'ol qildi. Bunga maydon egalari 58-daqiqada Silvan Vidmerning goli bilan javob qaytardi. Shu tariqa nemislar musobaqadagi g'alabasiz yurishini davom ettirdi.

A Liga 4-guruhida 2-turdan keyin Ispaniya 4 ochko bilan peshqadamga aylandi. Ukraina (3) ikkinchi o'rindan joy olgan bo'lsa, Germaniya (2) va Shveytsariya (1) keyingi pog'onalarni band etgan.

UEFA Millatlar Ligasi

2-tur bahslari

6 sentyabr, yakshanba

Ispaniya — Ukraina 4:0

Gollar: 1:0 – 3, penalti Ramos, 2:0 – 29 Ramos, 3:0 – 32 Fati, 4:0 – 84 Ferran Torres.

Ispaniya: De Xea, Regilon, Ramos (Erik Garsiya, 61), Navas, Pau Torres, Merino, Tiago Alkantara, Olmo, Rodri (Oskar Rodriges, 69), Fati, Xerar Moreno (Ferran Torres, 74).

Ukraina: Pyatov, Krivsov, Matvienko, Timchik, Zinchenko, Malinovskiy, Mixaylichenko, Marlos (Tsigankov, 56), Xaratin (Sidorchuk, 63), Yarmolenko (Kovalenko, 79), Yaremchuk.

Ogohlantirishlar: Rodri (37), Malinovskiy (77), Kovalenko (90).

Shveytsariya — Germaniya 1:1

Gollar: 0:1 – 14 Gyundogan, 1:1 – 57 Vidmer.

Shveytsariya: Zommer, Vidmer, Benito, Elvedi, Akanji, Jaka, Sou (Ebisher, 80), Shteffen, Rodriges (Suber, 64), Seferovich, Embolo (Vargas, 73).

Germaniya: Leno, Kerer, Zyule (Ta, 62), Ryudiger, Gozens (Jan, 78), Draksler, Kroos, Sane (Brandt, 46), Gundo'g'an, Ginter, Verner.

Ogohlantirishlar: Zyule (30), Shteffen (49).

Malta — Latviya 1:1

Gollar: 1:0 – 15 Nvoko, 1:1 – 25, avtogol Giyome.

Kosovo — Gretsiya 1:2

Gollar: 0:1 – 2 Limnios, 0:2 – 51 Siovas, 1:2 – 82 Berisha.

Serbiya — Turkiya 0:0