Sarri: "Balki shogirdlarimga motivatsiya bera olmayotgandirman"

"Chelsi" bosh murabbiyi Mauritsio Sarri APL doirasida "Bornmut"dan uchralgan yirik hisobdagi mag'lubiyatdan so'ng (0:4) fikrlarini bildirdi.

"O'yindan so'ng o'yinchilar bilan gaplashib, nima bo'layotganini tushunishga harakat qildim. Ammo ular ham bu qulashning sababini bila olishmadi. Bu masalaga ertaga yana qaytamiz. Hozir nima bo'lganini aniqlashim kerak, chunki bu muammoni hal qilishimiz zarur.

Balki, bu mening aybimdir. Balki, ularga etarli darajada motivatsiya bera olmayotgandirman. Agar jamoa kuchaysa, u murabbiysiz ham yuta olar", - deydi Sarri.