Suares «Yuventus»ga o'tish uchun ertaga italyan tilidan imtihon topshiradi

«Barselona» hujumchisi Luis Suares «Yuventus»ga o'tishga yaqin turibdi. "Mundo Deportivo" tarqatgan xabarga ko'ra, urugvaylik futbolchi 7 sentyabr, dushanba kuni Italiyaning Barselonadagi elchixonasida italyan tilidan imtihon topshiradi.

Shu tariqa, hujumchi Evropa ittifoqi pasportini oladi. Natijada u «Yuve» safida legioner hisoblanmaydi.

Suares turinliklar bilan «2+1» ko'rinishida shartnoma imzolaydi. Uning yillik maoshi, soliqlar chiqarib tashlanganidan keyin, 10 million evroga teng bo'ladi.