Millatlar ligasi! Chexiya va Shotlandiya o'yini koronavirus sabab bekor qilindi

7 sentyabr, dushanba kuni Chexiya va Shotlandiya terma jamoalari o'rtasida Millatlar Ligasi 2-tur uchrashuvi bo'lib o'tishi kerak edi.

Ammo Chexiya futbol federatsiyasi koronavirus tarqalishining oldini olish maqsadida uchrashuv bekor qilinganligini e'lon qildi. Bu haqda tashkilot veb-saytidagi xabarda aytilgan.

Ma'lum bo'lishicha, ikki chex futbolchisi Chexiya va Slovakiya uchrashuvidan oldin COVID-19ga chalingan jamoa a'zosi bilan uchrashgan. O'yinchilar virus yuqtirganmi yoki yo'qmi noma'lum, ammo ular boshqalardan ajratib qo'yilgan.