Shahzod Ubaydullaev: "Shomurodov? Raqobatdan qo'rqmayman"

O'zbekiston terma jamoasi kecha o'rtoqlik uchrashuvida Tojikiston termasini 2:1 hisobida mag'lub etdi. Terma jamoadagi debyut o'yinini o'tkazgan hujumchi Shahzod Ubaydullaev o'zining ilk golini urishga erishdi. Uchrashuvdan so'ng Ubaydullaev quyidagi fikrlarni bildirib o'tdi.

"Debyut o'yinim yomon chiqmadi deb o'ylayman. Tojikiston terma jamoasi ham avvalgidan ancha o'zgargan. Hamma joyda futbol rivojlanmoqda. Qo'shnilarimiz ham bugun yaxshigina qarshilik qilishdi.

Uchrashuv avvalidan gol urishni maqsad qilgandim. Har xolda debyut o'yinda gol urish boshqacha ta'sir qiladi. Nasib qilsa, terma jamoada muhim futbolchiga aylanishga harakat qilaman. 

Shomurodov? Men raqobadan qo'rqmayman. Raqobat bor joyda o'sish bo'ladi", -dedi Ubaydullaev.