Andrey Kanchelskis: «Umid qilamanki, tez kunlarda ko'rishamiz»

Ayni paytda COVID – 19 xastaligidan kasalxonada davolanayotgan “Navbahor” bosh murabbiyi Andrey Antanasovich Kanchelskis bilan qo'ng'iroqlashib, uning hol-ahvolidan boxabar bo'ldik.

Jamoamiz ustozi quyidagi fikrlarni bildirdi:

- Ayni paytda koronavirus kasalligidan davolanyapman va ahvolim ancha yaxshi. Buning uchun avvalo, meni davolanishim uchun juda yaxshi hamda qulay sharoitlarni yaratib bergan Namangan viloyat hokimi Xayrullo Hayitbaevich Bozorov, shuningdek, klub rahbariyatiga o'z minnatdorchiligimni bildiraman.

"Navbahor"ning barcha futbolchilari, klub va “Markaziy” o'yingoh ishchi-xodimlari, muxlislarga salom yo'llayman. Sizlarni juda sog'indim. Umid qilamanki, tez kunlarda ko'rishamiz.

Andrey Kanchelskis rasmi 2

Muxlislarga sabr tilayman. Barchaga sog'liq – salomatlik, oilaviy baxt yor bo'lsin!

O'zingizni koronavirusdan asrang va hech qachon kasal bo'lmang, qadrdonlarim!

Biz ham Andrey  Kanchelskisning tezroq kasallikdan forig' bo'lib, qadrdon jamoasi “Navbahor”ga qaytishiga tilakdoshmiz.

“Navbahor” PFK matbuot xizmati.