"Barselona"dan aktsiya: Umtiti ham jamoani tekinga tark etadi

Cadena Ser portalining tarqatgan ma'lumotiga qaraganda, "Barselona"ning frantsiyalik himoyachisi Samyuel Umtiti jamoani tekinga tark etishi mumkin. Hozircha futbolchini o'z safiga qo'shib olmoqchi bo'lgan klub topilmadi, shuningdek, futbolchining o'zi ham jamoani tark etish niyatida emas.

Kataloniyaliklar o'ziga xos aktsiya o'tkazishga tayyor. Agar kimdir frantsiyalik futbolchini o'z safiga qo'shib olishni istasa, u holda klub rahbariyati Umtitining o'sha jamoa safiga borib qo'shilishiga ruxsat beradi.

Avvalroq, "Barselona" Ivan Rakitichni 1,5 million evro evaziga sotib yuborgandi. Shuningdek, Arturo Vidal jamoani bepul tark etmoqda.