Birinchi davrada «Andijon»da o'ynagan nigeriyalik futbolchi «Mash'al»ga o'tdi

“Mash'al” jamoasi Nigeriyaning AITEO FA kubogi sohibi Maykl Ibe Okoroni o'z safiga qo'shib oldi.

25 yoshli yarim himoyachi Ibe Okoro Nigeriyaning "Abia Warriors", "Akwa United", "Niger Tornadoes", "Plateau United" klublarida o'ynagan bo'lsa, birinchi davrani u "Andijon"da o'tkazdi.

"Men ushbu mavsumda  "Mash'al" jamoasiga kelib qo'shilganimdan xursandman va bu erda faxrli o'rinlarga da'vogarlik qilish uchun keldim. Nasib bo'lsa, "Mash'al" jamoasi bilan O'zbekiston kubogini qo'lga kiritishga harakat  qilaman. Men muxlislar ishonchini albatta oqlayman", — dedi Ibe "Mash'al" matbuot xizmatiga bergan intervyusida.