Zidan «Real»da Visente del Boske va Joze Mourinoning rekordini yangiladi

Zayniddin Zidan Florentino Peres prezidentligi davrida «Real»da eng uzoq muddat bosh murabbiylik qilgan mutaxassis bo'lib turibdi.

Zidan umumiy miqdorda 37 oy «Real» boshqaruvida bo'ldi. Frantsiyalik mutaxassis bu borada Visente del Boske va Joze Mourinoning rekordini yangiladi. Bu ikki mutaxassis Peres davrida 36 oy ishlagandi.

Garchi Zidan «Real» boshqaruvida del Boskedan ko'proq ishlagan bo'lsa-da, ispaniyalik mutaxassis 233 ta o'yin o'tkazgan, bu ko'rsatkich Zizuda 211 taga teng.

Boshqa tomondan 48 yoshli mutaxassis bu o'yinlarda 141 marta g'alaba qozongan. Bu del Boske (127) va Mourinoning (128) ko'rsatkichidan yaxshiroq natija hisoblanadi.

Manba: daryo.uz