Manba: Lionel Messi «Manchester Siti» egalari bilan 700 mln evrolik shartnoma borasida kelishib oldi

«Barselona» hujumchisi Lionel Messi «Manchester Siti»ga egalik qiladigan City Football Group bilan kelishuvga erishdi. Bu haqda Daily Record’ga asoslanib Sport24 xabar qilmoqda.

Manbada aytilishicha, tomonlar 700 million evrolik shartnoma borasida kelishuvga erishgan. 33 yoshli futbolchi uch mavsumni «Manchester Siti» safida o'tkazadi, shundan keyin Leo «Nyu-York Siti» safiga yo'l oladi va u erda ikki yil o'ynaydi.

Ta'kidlanishicha, Messiga kompaniyadan ulush taklif qilingan, biroq futbolchi City Football Group aktsiyalari bilan bog'liq qiyin vaziyat sabab pul bilan hisob-kitob qilishlarini istashi mumkin.

Avvalroq «Manchester Siti» Messining transferiga pul sarflashga to'g'ri keladigan bo'lsa, ushbu transferdan voz kechishi haqida xabar qilingandi. Keyinchalik «shaharliklar» ustozi Xosep Gvardiola argentinalik futbolchi «Barselona»da qolishni maslahat bergani haqida xabarlar tarqaldi.