O'yin payti to'pni o'pgan futbolchi jarimaga tortildi

Ekvadorning "Sosedad Deportivo Aukas" klubining argentinalik yarim himoyachisi Serxio Lopes o'yin davomida to'pni o'pgani uchun 1000 evro jarimaga tortildi, deb xabar berdi Sport1 portali. Ta'kidlanishicha, voqea o'tgan hafta oxirida sodir bo'lgan.

Eng qizig'i, Lopesning nima uchun futbol to'pini o'pishga qaror qilgani noma'lum bo'lib qolmoqda. Vaholanki, futbolchi o'yin davomida biror marta gol urmagan.

Uchrashuv esa raqib jamoaning futbolchisi o'z darvozaga gol urgani bois 1:0 hisobi bilan "Sosedad Deportivo Aukas" foydasiga hal bo'lgan.

Manba: aniq.uz