So'ngi transfer yangiliklar
Messi Realga o'tmoqchi !!!
AslFUTBOL.NET - Asl Futbol muxlislar sayti
UZREPORT UEFA Millatlar ligasi musobaqasi yangi mavsumining eksklyuziv translyatsiya huquqini qo'lga kiritdi
/ Kiritdi: BestMaster Ko'rilgan: 310
UZREPORT axborot agentligi (UZREPORT TV va FUTBOL TV) UEFA Millatlar ligasi musobaqasining yangi mavsumini O'zbekiston Respublikasi hududida eksklyuziv translyatsiya qilish huquqini qo'lga kiritdi.
UEFA Millatlar Ligasi Evropaning milliy terma jamoalari o'rtasida o'tkaziladigan yangi xalqaro turnir bo'lib, musobaqada UEFAning 55ta terma jamoasi ishtirok etadi.
Ushbu turnirni o'tkazish g'oyasi UEFAning sobiq prezidenti Mishel Platiniga tegishli. Yangi turnirning asosiy maqsadi milliy terma jamoalar o'rtasidagi o'rtoqlik uchrashuvlariga qiziqishni oshirish, shu bilan birga, yangi tijoriy imkoniyatlarni yaratishdan iborat.
Yangi musobaqaning birinchi mavsumi 2018/19 yillarda bo'lib o'tdi. O'sha musobaqaning eng qiziqarli o'yinlari UZREPORT TV va FUTBOL TV telekanallarida jonli efirda namoyish qilingandi.
Endilikda 3 sentyabrdan Millatlar ligasining yangi mavsumi boshlanadi.
Jumladan, 3 sentyabr kuni Germaniya - Ispaniya hamda Rossiya - Serbiya terma jamoalari o'rtasidagi o'yinlar muxlislar e'tiboriga jonli efirda namoyish qilinadi. Har ikki uchrashuv Toshkent vaqti bilan soat 23:45 da boshlanadi.
Millatlar ligasi musobaqasi ko'plab muxlislar orasida katta qiziqishga sabab bo'lmoqda. Bu musobaqadan o'rin olgan uchrashuvlar joriy mavsumning haqiqiy bezagi bo'lishiga shubha yo'q.
UZREPORT TV va FUTBOL TV telekanallarida mavsumning eng qiziqarli musobaqalaridan o'rin olgan shiddatli uchrashuvlarni jonli efirda tomosha qilib boring!
Syurprizlar mavsumi davom etadi!