Saudiya klubi O'zilga juda katta maosh taklif etmoqda

«Arsenal» yarim himoyachisi Mesut O'zil faoliyatini Saudiya Arabistonida davom ettirishi mumkin.

"Fanatik" tarqatgan xabarga ko'ra, «An-Nasr» klubi 31 yoshli futbolchiga yillik maoshi 20 million dollarga teng shartnoma taklif etmoqda. Ar-Riyodliklar mazkur transfer oynasi paytida Mesutni sotib olishga harakat qilishadi. Agar jamoa "Arsenal" bilan kelisha olmasa, "An-Nasr" kelgusi yilning yozida O'zilni bepul qo'lga kiritish borasida futbolchi bilan kelishuvga erishmoqchi.

O'zilning o'zi esa avgust oyida «Arsenal»da qolmoqchi ekani haqida gapirgandi.

Mavsum-2019/20da Mesut «Arsenal» safida 23ta uchrashuvda maydonga tushib, bitta gol urdi va 3ta golga uzatma berdi.

Manba: sport24.ru