«Real Sosedad»ning yangi futbolchisi David Silvada COVID-19 aniqlandi

Yarim himoyachi David Silva bugun «Real Sosedad» o'yinchisi sifatida tanishtirildi. U topshirgan koronavirusga test musbat natija berdi, deya xabar tarqatdi klub rasmiy sayti.

34 yoshli futbolchi kecha ertalab San-Sebastyanga uchib kelib, test topshirgan edi. U hali jamoa safiga qo'shilmagan edi. David darhol karantinga olindi. Futbolchidagi kasallik simptomlarsiz kechmoqda.

Avvalroq Silva «Manchester Siti» safida 10 yil to'p tepib, 4 karra Angliya chempioni, ikki karra Angliya kubogi sohibi, 3 karra mamlakat superkubogi kubogi va 5 karra Angliya liga kubogi sohibiga aylangan edi.