Van De Bek aslida kim? «MYu» bu transferdan foyda ko'radimi?

2018/19-yilgi mavsumda “Ayaks” bilan Chempionlar ligasida muvaffaqiyatli ishtirok etgan futbolchi boshqa jamoadoshlari singari darrov top-klublar safiga borib qo'shilmadi. Yana bir mavsum klub ixtiyorida qoldi va endi APLga ko'chib o'tishga juda yaqin turibdi. Uning “Manchester Yunayted” jamoasiga o'tishi haqidagi mish-mishlar sababli ingliz nashrlari golland futbolchisining imkoniyatlarini tahlil qilishga urinib ko'rdi.

O'yin uslubi

Donni bu – maydon bo'ylab erkin harakat qilishni xush ko'ruvchi hujumkor yarim himoyachi. Uning maydondagi asosiy vazifasi maydon bo'ylab bo'sh hudud izlash va imkon bo'lishi bilan ikkinchi hujumchiga aylanishdan iborat. Qahramonimiz maydon bo'ylab uzatmalarni amalga oshirishni xush ko'radi. Uning to'p bilan maydonning qaysi nuqtalarida harakat qilganiga e'tibor qarating!

Darhaqiqat, Van De Bek intensiv futbolni xush ko'ruvchi jamoa uchun chinakam topilmaga aylanadi.

Eng muhimi shundaki, Donni maydon bo'ylab to'psiz harakat borasida ham benazir. “Ayaks”dagi so'nggi mavsumida yarim himoyachi bosh zonalar yaratish va jamoaviy pressingda “Erdiviziya”ning eng yaxshi natijasini qayd etgani so'zimizga isbot bo'la oladi.

Kuchli jihatlari

Yuqoridagi omillardan tashqari, Donni o'z pozitsiyasini yaxshi his etadi. U huddi “Bavariya”dagi Tomas Myuller singari hujumning istalgan nuqtasida paydo bo'lish orqali jamoaga hujumda faolroq bo'lishda qo'l keladi. Har bir uchrashuvda o'rtacha 2,2 bor to'p uchun kurashda g'olib chiquvchi futbolchi amalga oshirgan uzatmalarning 80 manziliga aniq etib boradi. Uning to'p uchun kurashdagi chaqqonligini ham alohida e'tirof etib o'tish joiz. Ushbu suratda qahramonimizning to'p uchun kurash olib brogan zonalari aks etgan.

Hujumdagi faollik

E'tiborlisi shundaki, Donni Van De Bek hujumlarni yakunlash borasida ham ajoyib statistikaga ega. Uning so'nggi zarba yo'llash uchun bo'sh zona izlab topishi taxsinga sazovar. So'nggi 3 mavsum davomida futbolchi 40ta gol kiritgan bo'lsa, ushbu gollarning 27tasi birinchi to'pga teginish orqali darvozadan o'rin egallagan. Yana 7ta gol esa, to'pga ikki bor teginish orqali davrozaga yo'llangan. Gollandning darvozasari yo'llayotgan zarbalarining 54 foizi manzilga aniq etib boradi. Uning gol kiritgan nuqtalariga e'tibor qarating!

Futbolchi nafaqat gol kiritishda, balki uni assist borasida ham etakchi. Uning so'nggi 3 mavsum davomida ijro etgan keskin uzatmalariga e'tibor qarating. Ushbu kartaga e'tibor qarating. Qahramonimiz so'nggi zarba uchun uzatma ijro etishda benazir ekanligi shundoqqina ko'rinib turibdi.

Kuchsiz jihati

Yuqoridagi zikr qilingan ustunliklarga qaramay, Donni “Manchester Yunayted”ning kreativ ijrochisi bo'la olmaydi. Sababi, uning xavfli uzatmalari soni Ziyosh va Fernandeshnikidan ancha kam. Uning vazifasi maydonda kamroq ko'rinish, biroq ko'proq naf berishdan iborat. Raqib chuqur himoyalanayotgan paytda Donni markaziy hujumchilarni chetga “tortishi”, yoki hujumni u qanotdan bu qanotga o'tkazishi mumkin. Shunga qaramay, uning maydonda pozitsiyasi klassik 10-raqamni eslatib yuboradi. Agar, “qizil iblislar” uni qo'lga kiritsa, futbolchi katta ehtimol bilan 4-2-3-1 sxemasida asosiy tarkib futbolchisiga aylanadi. Shunday bo'lsada, Pogba bilan maydonda harakat qilish Donnining kuchli jihatlarini “zararsizlantirishi” mumkin. Gap shundaki, Pogba asosan oldinga harakat qiluvchi yarim himoyachi. Van De Bek esa, ortda tayanch zonasiga yaqinroq joyda qolib ketishi mumkin. Katta ehtimol bilan gollandni Sulsher qanotlarda yoki markaziy yarim himoyada maydonga tashlaydi. Shuningdek, Fernandesh uchun ham Van De Bek ajoyib alternativ variantga aylanishi mumkin. Balki, Sulsher markazda romb hosil qilgan ko'yi Brununi biroz ortga qaytishga majbur qilar.

Xulosa

Van De Bek o'rtachadan kuchliroq bo'lgan darajadagi ijrochi. Qo'shimchasiga, uning o'yinida keskin progress kuzatilishi ham hech gap emas. Uning transferi “Manchester Yunayted”ga ulkan imkoniyatlar taqdim etmaydi, ammo bir yo'la bir nechta zonalarni uzoq yillar davomida yopish imkoni tug'diradi.